Barrscéalta

Mír grinn seachtainiúil le Mary Aggie agus ba cúrsaí fíona a bhí faoi chaibidil aici inniu.

Duration:00:05:53

Diane Ní Chanainn.

Craolfar an chéad chlár sa tsraith ‘Imelda May: Amhráin na nGael’ ar RTÉ1 anocht, sraith ina dtugann Imelda May cuairt ar Ghaeltachtaí na tíre ag buaileadh le ceoltóirí éagsúla, ina measc Diane Ní Chanainn agus labhair Diane linn faoin chlár.

Duration:00:06:10

Caoimhe Nic Fhloinn, imreoir le Gleann Fhinne.

Cuirfidh mná Ghleann Fhinne tús lena bhfeachtas i gCraobh Shinsir Peile Uladh an deireadh seachtaine seo nuair a thabharfaidh siad aghaidh ar Aireagáil Ciaráin i gcluiche ceathrú ceannais ar Pháirc Taobhóige i nGleann Fhinne ar an Domhnach.

Duration:00:04:06

Megan Nic Ruairí, ball den ghrúpa Bold Love.

Tá Megan Nic Ruairí linn beo as Stanstead, Londain, le labhairt faoin chéad EP atá amuigh inniu ag an ghrúpa ‘Bold Love’ sé sin ‘Dancing & Loving’.

Duration:00:03:36

Deirdre Ní Bhraonáin, Garraíodóir Chluain na dTor.

Mír rialta ag tabhairt comhairle faoi chúrsaí garraíodóireachta.

Duration:00:16:44

An Teachta Dála Pat the Cope Ó Gallachóir agus an Comhairleoir Contae Denis Mac Aoidh.

Rinne Pat cur síos ar an fhreagra a thug an rialtas ar rún ón Teachta Dála Pháirtí Cúitimh 100% Charles Ward agus an fáth a vótáil sé leis an rialtas. Chuir Denis glaoch isteach ag iarraidh soiléiriú ar sheasamh Pat faoin ábhar agus soiléiriú a dhéanamh ar chúpla pointe.

Duration:00:20:04

Barrscéalta, clár iomlán, 17/10/2025.

Clár irise á chur i láthair beo ó stiúideo na nDoirí Beaga ag Michelle Nic Grianna agus a léiriú ag Conor Ó Gallachóir.

Duration:00:53:42

Caitlín Ní Bhroin ón ghrúpa Tinteán.

Tá comhairliúchán poiblí ar siúl ag Coimisiún na hEorpa san am i láthair maidir le cúrsaí tithíochta san Eoraip agus tá an grúpa, Tinteán ag iarraidh ar phobal na Gaeltachta a bheith páirteach sa chomhairliúchán.

Duration:00:05:02

Pacáiste ón taispeántas ‘Rua’

Seoladh an taispeántas ‘RUA’ in Ionad Naomh Pádraig i nDobhar le gairid agus bhí Conor Ó Gallachóir i láthair ag an seoladh agus labhair sé le Danielle Nic Pháidín, Pádraig Rua Mac Grianna, Maria Coleman agus Ciarán Ó Gallachóir.

Duration:00:09:47

Ailbhe Ó Monacháin, Comhfhreagraí an Iarthuaiscirt le Nuacht RTÉ/TG4.

Beo ó chúirt Bhéal Feirste áit a bhfuil triail an tsaighdiúra F ar siúl agus é curtha ina leith gur dhúnmharaigh sé Jim Wray agus William McKinney ar Dhomhnach na Fola i 1972. Thug an breitheamh le fios sa chúirt ar maidin go dtig leanstan ar aghaidh leis an chás.

Duration:00:04:20

An Dochtúir Teaghlaigh Tony Delap

Mír rialta faoi chúrsaí sláinte. Rinne sé plé inniu ar staidéar atá foilsithe an tseachtain seo sa Journal for Alzheimer’s Disease a deir go bhfuil níos mó seans go dtiocfaidh néaltrú ar mhná a théann fríd an meanapás go luath ina saol agus fosta na contúirtí a bhaineann le haerasóil ó thaobh cúrsaí sláinte de.

Duration:00:06:46

Síle Ní Dhuibheannaigh, Colleen Nic Aodha agus Darina Uí Dhochartaigh ón chlár ‘Is Mise le Mess’

Beidh siad ag taifead an dara sraith den chlár gan mhoill, áit a dtéann siad isteach i dtithe le hiad a ghlanadh agus tá siad ag lorg rannpháirtithe le bheith páirteach sa chlár.

Duration:00:14:27

Mairéad Ní Mhaoilchiaráin ó Sheomra na Nuachta.

Le scéalta móra nuachta an lae ón taobh seo tíre.

Duration:00:06:24

Barrscéalta, Clár iomlán, 16/10/2025.

Clár irise á chur i láthair beo ó stiúideo na nDoirí Beaga ag Michelle Nic Grianna agus a léiriú ag Conor Ó Gallachóir.

Duration:00:53:59

Niall Mac Eamharcaigh, scéalaí an chláir

Cuirfear tús leis an chlár ‘Ó Mhuir go Tír’ anocht ar TG4 ar 9:30i.n, sraith de cheithre chlár atá déanta ag HG Productions, dírithe ar roinnt de na hoileáin amach ó chósta na tíre seo agus bhí scéalaí an chláir, Niall Mac Eamharcaigh linn ar maidin.

Duration:00:09:10

Cartlann na Céadaoine.

Inniu ar Chartlann na Céadaoine rachaidh muid siar go dtí an bhliain 2000 nuair a bhain Ard a’Rátha Craobh Shinsir Peile na Contae den chéad uair le naoi mbliana déag. Labhair Áine Ní Chuireáin le Máirtín Ó Faoláin as Ard a’Rátha ach ar tús labhair Séamus Mac Géidigh le Anthony Molloy agus Parthalán (Bart) Ó Faoláin ag an chluiche ceannais féin.

Duration:00:08:06

Aodh Ó Domhnaill Príomhfheidhmeannach Chumann Tairgeoirí Éisc na hÉireann.

Bhí Aodh Ó Domhnaill, Príomhfheidhmeannach Chumann Tairgeoirí Éisc na hÉireann os comhair an Chomhchoiste Oireachtais ar Ghnothaí Mara inné le plé a dhéanamh ar chuótaí éisc na hEorpa agus an Comhbheartas Iascaigh.

Duration:00:07:13

An Comhairleoir Contae Denis Mac Aoidh.

Deir an Teachta Dála ón Pháirtí Cúitimh 100% Charles Ward nach bhfuil an Scéim Cúitimh an rialtais maidir le géarchéim na mbrící lochtacha ag oibriú, mar nach scéim cúitimh 100% atá ann, agus tá sé ag iarraidh go ndéanfaí athchóiriú iomlán ar an scéim agus chuir sé rún os comhair na Dála maidir leis an mhéid sin inniu.

Duration:00:11:20

An Comhairleoir Contae Michéal Cholm Mac Giolla Easbuig.

Dúirt an Comhairleoir Contae Michéal Cholm Mac Giolla Easbuig ag cruinniú de Choiste na nOileán de Chomhairle Contae Dhún na nGall inné gur cheart don chomhairle contae níos mó tithe a thógáil ar oileán Thoraigh mar go bhfuil éileamh ann do thithe ar an oileán dar leis.

Duration:00:10:03

Frances Nic Géadaigh ó sheomra na Nuachta.