Ligwalagwala FM Current Affairs

Lenyanga yaMabasa ibalulwe njengeyekuchushisa kanye nekulwa nesimo sekukhungatseka engcondvweni nekudzangala emoyeni (Dipression/Stress). Lucwaningo lolwentiwe lihhovisi letibalo luveta kutsi balinganiselwa ngetulu kwa-31% bantfu labangasebenti kulelive. Namuhla sifuna kubuka kukhatsateka engcondvweni lokuhlasela bantfu lesebanesikhatsi bafuna umsebenti kepha bangawutfoli, labanye sebaze baphelelwe nalitsemba lekuwutfola. Simeme umetfuli wetifundvo eUJ lophindze abe yi-Life Coach, Dr Sanele Gamede.

Duration:00:14:33

#Telive - Uyabekwa namuhla endlini yakhe yekugcina Alkbert Mazibuko we-Black Mambazo.

Uyafihlwa namuhla lomunye wetinsika telicembu lemculo wembholoho, i-Ladysmith Black Mambazo, Umnumzane Albert Mazibuko. Mazibuko wendlule emhlabeni mhla tisihlanu kulenyanga yaMabasa sekaneminyaka lengema-77. Manzezulu wajoyina eMambazo Lamnyama nga1969. Sicocisana nemphatsi lophindze akhulumele lelicembu le-Black Mambazo, Xolani Majozi.

Duration:00:01:52

#Telive - Book Review: Healing Out Loud by Khathu Maestro

Namuhla sicubungula libhuku lelinesihloko lesitsi Healing Out Loud lelibhalwe nguKhathu Maestro.

Duration:00:03:41

#Telive - iMTPA itsi asengakatfolakali lamabhubesi lamabili lekece esiciwini.

Bafuyi, balimi nemalunga emango batsi sebahlalela evalweni ngenca yetilwane tasendle letivame kweca eticiwini tetinyamatane. Kuleliviki lelengcile, kufe tinkhomo letimbili lekusolakala kutsi tibulewe mabhubezi KaDantjie dvute nase Mbombela kulesifundza se Mpumalanga. Lokhulumela iMTPA Simphiwe Shungube, uyasichazela.

Duration:00:05:36

#Imphunga: iSAHRC eMpumalanga itsi itifolile tikhalo te-ActionSA ngekuswelakala kwemanti eMzinti naseMjindi

4/17/2026

Sihlalo welikomishane lemalungelo eluntfu kulesifundza seMpumalanga, Eric Mokonyane uyatiphika letinsolo letivetwa yinhlangano i-ActionA letitsi lelikhomishana solomane alitiphendvuli tikhalo talo.

Duration:00:06:46

#Imphunga - COIDA

4/17/2026

Litiko letisebenti kulelive selente lubito kutsi bacashi betisebenti tasetindlini, babhalise tisebenti kungakapheli inyanga yeNhlaba kulomnyaka losetulu, ngaphasi kwemtsetfo wekutincesitela nangabe tilimala nobe tingenwa kugula emsebentini i-Compensation for Occupational Injuries and Diseases Act (COIDA). Simeme mengameli wenyonyana yetisebenti tasetindlini iSouth African Domestic Workers Union, Maria Thuga

Duration:00:03:07

#Embiteni - Umhlatiyi wetepolitiki utsi kukhona bekushaya emanti ngalesikhatsi mantji akhipha sigwebo ecaleni la-Malema.

Umhlatiyi wetembusave Njingalwati Bheki Mngomezulu utsi kunyenti mantji langakakuhambisi kahle ngalesikhatsi akhipha sigwebo semholi weEFF Julius Malema.

Duration:00:05:10

#Embiteni - iMTPA inikelelwe ngetinsita tekulwa nekutingela ngalokungekho emtsetfweni

i Mpumalanga Tourism and Parks Agency (MTPA) yemukele tinsita tekulwa nekutingela ngalokungekho emsetfweni eticiwini tetinyamatane takulesifundza. Lokhulumela iMTPA Simphiwe Shungube uyasichazela

Duration:00:03:14

#Embiteni - Sati setemtsetfo siphawule ngekugwetjwa kwa Malema iminyaka lesihlanu

Seti setemtsetfo Abigail Ngoben utsi sinemtselela lomkhul;u emsebentini wakhe wetepolitiki umholi weEFF Julius Malema lesigwebo seminyaka lesihlanu laphanyekwe sona yinkantolo yamantji Kugompo City.

Duration:00:06:11

#Embiteni - Umholi weEFF eMpumalanga uphawula ngekugwetjwa kwaMalema

Emalunga eEFF eMpumalanga bekabutsene ngaphandle kwenkantolo lenkhulu eMbombela njengendlela yekwesekela umholi walenhlangano Julius Malema logwetjwe iminyaka lesihlanu yinkapalo yamantji Kugompo City. Simeme umholi weEFF eMpumalanga Colen Sedibe

Duration:00:03:34

#Imphunga - 2026 IMF and World Bank Group Spring Meeting

Indvuna yetetimali kuleli Enoch Godongwana kanye nemphatsi wesilulu semabhange kuleli Lesetja Kganyago, bahola litsimba lakuleli lelihambele umhlangano we International Monetary Fund (IMF) kanye nesigungu semabhange emhlaba e-Melika kuleliviki. Kubuka kubaluleka kwalomhlangano lobanjwa ngephansi kwesimo semnotfo lesihhedlako emhlabeni, sikhulumisana neMnumzane Lunga Mahlaba lovela kusikhungo Inkunzi Wealth Group.

Duration:00:06:29

#Imphunga - iSASSA itsi inelilungelo lekuyivala imphesheli kuze icinisekise kutsi umnikati usaphila

Sikhungo lesibuke kuholela timphesheni i-South African Social Security Agency (SASSA) sesicela bonkhe bantfu labatfola sibonelelo sahulumende, labasola kwangatsi imali yabo ivaliwe ngobe bangakayitfoli kulenyanga lephelile kutsi bachumane naso. Kutfola kutsi kungani kunjalo simeme lokhulumela i-SASSA kulesifundza seMpumalanga Umnumzane Senzeni Ngubeni.

Duration:00:07:44

#Embiteni - Umholi weEFF Julius Malema bekalalele kukhishwa kwesigwebo sakhe namuhla

Inkantolo yamantji Kugombo beyilalele kwetfulwa kwesigwebo ecaleni lemholi weEFF Julius Malema. Simeme sati setemtsetfo Abigail Ngobese kutocaciseleka ngalokwenteke enkantolo namuhla. .

Duration:00:07:10

#Embiteni - Bosolwati bacwayisa ngetehlakalo tebantfwana lebahlekisa ngetitfo temtimba yalabanye etikolweni.

Umfundzi loneminyaka leli-14 kusolwa kutsi utibulele esikolweni saseNhlazatje ngaseManzana eMpumalanga kulandzela kweyiwa ngulabanye bafundzi ngemtiumba wakhe lomkhulu. Ngekusho kwabosolwati tivamile tehlakalo tebantfwana lebahlekisa ngetitfo temtimba yalabanye bantfwana etikolweni. Kubuka kutsi yini lengentiwa bantfwana nangabe bahlangabetana netehlakalo taloluhlobo, simeme sonhlalakahle Andisile Mkhwanazi... .

Duration:00:05:51

#Embiteni - Roelf Mayer ucokwe njengelincusa lakuleli eMelika.

Tinhlangano tepolitiki tiphefumule ngetindlela letahlukahlukene ngesincumo samengameli Cryil Ramaphosa, sekucoka Roelf Meyer, njengelincusa lakuleli e-Melika. I-Rise Mzansi itsi Meyer kumele anake kuvuselela budlelwane betemnotfo, kantsi iATM, EFF ne-MKP, tivakalise kungahambisani nalesincumo, tatsi Meyer bekayincenye yebuholi bahulumende welubandlululo. Kuyibuka kabanti lendzaba sicocisana mhlatiyi wetepolitiki, Thembisa Fakude.

Duration:00:07:04

#Imphunga - Masipala weMbombela wecwayisa ngebungoti bekungena emhlabeni ngalokungekho emtsetfweni.

Masipala we City of Mbombela uvakalise kukhatsatseka ngekucubuk kwetehlakalo tebantfu lahabamba batitsatsela ngalokungekho emtsetfweni eMaggiesdal nase Mataffin kulelidolobha le Mbombela. Sicele lokhulumela masipala weMbombela, Umnumzane Joseph Ngala kutosiweta.

Duration:00:05:44

#Imphunga - Kuhlongotwa siphakamiso sekuhocisa tifundvo temlandvo wamave aseNshonalanga.

Litiko lemfundvo lesisekelo kulelive selente siphakamiso sekuhocisa tifundvo temlandvo wemave aseNshonalanga (European History), kusukela kaGrade 4 kuya kumatikuletjeni. Kuyibhunga kahle lendzaba sichumana nesati setemlandvo Umnumzane Khaya Ndwandwe

Duration:00:04:07

#Imphunga - Kunetinhlelo lesetiphakanyisiwe tekuvula kabusha imayini iLilly Mine ngaseBarberton.