Ligwalagwala FM Current Affairs

Umphatsiswa welitiko le-COGHSTA Speedy Mashilo utsi hulumende usetinhlelweni tekucedza tindlu tetjeboya kulesifundza nanobe kusatawutsatsa sikhatsi.

Duration:00:04:40

#Embiteni - I Operation Dudula itsi itawucala kukhipha bantfwana bangaphandle etikolweni nakusuka iNgongoni.

Mengameli wenhlangano iOperation Dudula, Zandile Dabula utsi kukhishwa etikolweni kwebantfwana bebantfu labachamuka ngaphandle labanganamaphepha ekuba kulelive kutawucala ngenyanga yeNgongoni.

Duration:00:06:18

#Embiteni - Kundlondlobala kwetitolo ta- online tase China, kubeka engcupheni imisebenti yakulelive

Umbiko welucwaningo lolwentiwe sikhwama se Localisation Support Fund uveta kutsi batsengi labanyenti basebentisa kakhulu titolo ta online tase China, lesekufaka incindzetelo emnotfweni wakuleli futsi kulahlekisela labanyenti umsebenti. Kutfola kabanti ngalendzaba sikhulumisana nasomnotfo Lunga Mahlaba.

Duration:00:07:14

#Embiteni - Kwetfulwe ngalokusemtsetfweni i-Mpumalanga International Film Festival

Sifiso Nobela longumphatsi lomkhulu weMpumalanga International Film Festival utsi umbukiso walomnyaka utawugcila kakhulu kuma-film abomake lekufaka ekhatsi kukhuluma ngetinsayeya letibukene nalabasikati njengekuhlaselwa nekuhlukunyetwa.

Duration:00:03:15

#Imphunga - Ndvuna Ronald Lamola utsi basetama kuyilwa leyekukhushulwa kwema-tariffs nga-30%.

Hulumende walelive utsi uyachubeka nekukhulumisa nelive lase Melika mayelana nalesincumo salo sekufaka intsela lengemaphesenti langema-30 kumikhicito lesuka kuleli itfunyelwa kulelalive. Lokwenyuka kwalentsela kungahle kuholele ekulahlekeni kwemisebenti emikhakheni lefaka ekhatsi yetekulima neyekwakhiwa kwetimoti. Indvuna yetebudlelwane nemave emhlaba Ronald Lamola utsi ngetulu kwekuchubeka bakhulumisane neMelika, sebacalile kubuka letinye timakethe lebangahwebelana nato.

Duration:00:05:37

#Imphunga - iNSMSA iyakhala ngetehlakalo te-GBV letentiwa maphoyisa.

Inhlangano lesita bantfu lababukene nelutfutfuva lwasemakhaya i-National Shelter Movement of South Africa (NSMSA) isola emaphoyisa ngekwehluleka kuvikela labatsandzanai nemaphoyisa nakukhona kungevani. Loku kuta ngemuva kwekutsi kube neliphoyisa lelisolwa ngekudubula libulale make wemntfwanalo, labese nalo liyatidubula. Sicocisene nalomelele lenhlangano iNational Shelter Movement of South Africa, Sindisiwe Msimanga

Duration:00:06:20

#Embiteni - Emalunga eNCOP abehlangene naNkomishana Mkhwanazi

Umkhandlu wetifundza i National Council of Provinces (NCOP) bewuuhlangene naNkhomishana wemaphoyisa KwaZulu Natal, Lt-Gen Nhlanhla Mkhwanazi, kuyawubhunga kabanti ngetingcinamba letibukene nemaphoyisa. Sicocisana nasosiswebhu we NCOP esifundzeni sa KwaZulu Natal, Umnumzane Mzamo Billy.

Duration:00:04:40

#Embiteni - Masibuyele Esibayeni eMpumalanga

Litiko letekulima, kutfutfukisa tindzawpoo tasemakhaya, temihlaba kanye netemvelo eMpumalanga lisukumise luhlelo lwekusita bafuyi lolwatyiwa ngeMasibuyele Esibayteni. Umcondzisi wekutfutfukisa tekufuya kulelitiko Zanele Mpangane uyasichazela ngaloluhlelo.

Duration:00:11:57

#Embiteni - Utawuma kwesikhashana kusebenta nasebusuku umtfolamphilo waseMorapedi kulandzela kuhlaselwa kwebahlengikati.

Umphatsiswa welitiko letemphilo kulesifundza seMpumalanga Sasekane Manzini usole kakhulu kuhlaselwa kwetisebenti tetemphilo emtfolampilo iMorapedi Community Health Center kumasipala weGoven Mbeki. Manzini utsi kutawumiswa kwesikhashana kusebenta nasebusuku kwalomtfolamphilo.

Duration:00:04:15

#Imphunga - Lokushona kwalabasikati lababili lekusolwa kutsi bashiselwe ekamelweni belikhiyiwe eMalahleni kutfukutselise tinhlangano letilwela emalungelo abomake.

Bagcine bashonile labantfu labasikati lababili lekusolwa kutsi bashiselwe ekamelweni belikhiyiwe eMalahleni, kulesifundza se-Mpumalanga. Kuboshwe singani samunye walabodzadze kantsi ngekusho kwemaphoyisa sesitawubukana nemacala lamabili ekubulala. Inhlangano lelwa nekuhlukunyetwa kwabomake i-Sekwanele Mama Foundation ivakalise kudvumala ngalesigameko lesihlasimulisa umtimba. Lokhulumela lenhlangano Vinolia Mashiane.

Duration:00:05:05

#Embiteni - iCOSATU ikhala ngekulahleka kwematfuba emisebenti ngenca yalokwenyuswa kwentsela yemphahla yakuleli lengena eMelika

Lokhulumela inyonyana iCOSATU Zanele Sabela ukhala ngekutsi kungahle kulahleke imisebenti lemi nyenti ngenca yalokwenyusa ngemaphesenti langema-30 kwentsela yemphahla yakuleli lengena eMelika.

Duration:00:07:49

SABCNews#TINDZABA 19.00

Mengameli Cryil Ramaphosa utsi tinhlangano letili-10 letisakhiwo sahulumende welubumbano iGNU tisahlangene...,

Duration:00:06:20

#Embiteni - iNAAM ayivumelani nekuboshwa kwabo zamazama e Barberton

Inhlangano yebavukuti basetimayini i National Association of Artisanal Miners (NAAM) itsi ayivumelani nalokuboshwa kwalabo labasolwa ngekuvukuta etimayini ngalokungekho emtsetfweni lapha e Barberton. Kodvwa kuva kabanti kutsi kungani asamukele lokhulumela iNAAM, Zethu Hlatshwayo.

Duration:00:09:09

#Imphunga - Emaphoyisa asibikela ngetakamuva mayelana nekuboshwa kwebavukuti labangekho emtsetfweni emayini eSheba ngaseBarberton.

Emaphoyisa akulesifundza seMpumalanga atsi bacishe babe ngemakhulu lasihlanu bavukuti labangekho emtsetfweni lebaboshwe emayini eSheba ngaseBarberton kuleliviki leliphelile. Kutfola takamuva ngalesehlakalo, sicocisane nalokhulumela emaphoyisa alapha eMpumalanga Brigadier Donald Mdhluli.

Duration:00:07:21

#Imphunga - iSACP igubha iminyaka lengu-104

Mabhalane jikelele wenhlangano yeMakomanisi, i-SACP, Solly Mapayila wetfule inkulumo lekhetsekile embutsanweni wekugubha iminyaka lelikhulu nakune kwasungulwa lenhlangano. Sikhulumisana naye Umnumzane Mapaila losichazela ngendzima ledlalwe yiSACP ekwenteni ncono imphilo yebantfu bakulelive.

Duration:00:07:55

#Imphunga - iBMA yetfule tinhlelo letinsha tekucinisekisa tekuphepha eminceleni yalelive.