Ligwalagwala FM Current Affairs

Umhlatiyi wetepolitiki Prof Nsikelelo Breakfast utsi ngumcondvo lohlakaniphile lokubunjwa kwalenhlangano lensha iUnite for Change, lesungulwe tinhlangano letintsatfu, lekuyi-Rise Mzansi, BOSA kanye ne-GOOD Party.

Indvuna yelitiko latagezi Dr Kgosientsho Ramokgopa ukhutsata bantfu kutsi basebentise titofu netifutfumeti te-hasi (gas) (gas stoves and heaters), njengendlela yekwehlisa kutfwala matima kwagezi. Simeme Umnumzane Abdul Phiri loyi professional Gas installer kutosichushisa ngekuphepha kwe-hasi.

Sicocisene naKanego Thete lophetse lihhovisi letekuchumana etikweni letekutfutfukisa tenhlalakahle kulesifundza se-Mpumalanga mayelana nekubungatwa kwenyanga yekutfutfukisa tenhlalo.

Inkapani iEzulwini Investments itsi itimisele ngekuyilandza yonke imali leyikolotwa iANC. Loku kulandzela kutsi lenhlangano yephule sivumelwano sekukhokhela lenkapani sikoloto lesidzala semali lengu-150 Million wemarandi. iANC ibukene nekutsatselwa imphahla kulandzela kutsi inkantolo igunyate lenkapani lekolotwa imali lengu-85 Million wemarandi yekukhankasela lukhetfo lwavelonke nga-2019. Lenkapani ifuna kudla impahla lesemahhovisini lamakhulu eANC iLuthuli House eJozi. Ummeli weEzulwini Shafique Sarlie...,

Ikomidi yePhalamende yelitiko lekuphatfwa kwetimali tesive iSCOPA lamuhla itawucala luphenyo letinsolo tekungaphatfwa kahle kwemsebenti wembuso, kusetjentiswa kabi kwetimali tesive esikhwameni sekuncephetelisa etingotini temgwaco iRoad Accident Fund. Inhloso lenkulu ngaloluphenyo kufuna kutfola kabanti kutsi kwabakhona yini kungalandzelwa kwemtsetfo nobe imigomo yekusebenta kweRAF. SCOPA nasitawutfola emaphutsa sitawenta tiphakamiso tekutsatfwa kwetinyatselo. Loluphenyo luta ngemuva kwetinyanga letimbalwa SCOPA setama kutfola umniningwane wetimali ebhodini yeRAF kanye natikwetikhulu tayo.

Nkomishana wemaphoyisa aKwaZulu Natal Nhlanhla Mkhwanazi kulindzeleke avele embikwekomidi yesikhashane yePhalamende letfunywe kuphenya tinsolo tesongelwa kwetekuphepha kulelive. Mkhwanazi liphoyisa lekucala lelikhulu kuvela embikwalekomidi. Wenta tinsolo letifaka ekhatsi inkohlakalo, kungenelela kwetepolitiki emsebentini wemaphoyisa kanye nasemsebentini wekutekwa kwemacala. Iphalamende yakhetsa Adv Norman Arendse kutsi ahole bufakazi baloluphenyo alekelelwa ngu-Adv Maria Mokhoaetsi kanye naLerato Zikalala Arendse uchaza kabanti ngalekutawenteka evikini lekucala....,

Lena yinyanga lapho bantfu bagcugcutelwa kutsi banakekele emehlo abo, Eye Care Awareness Month. Kuyikhuluma kabanti ngalendzaba simeme dokodela wemehlo lovela etikweni letempilo kulesifundza se Mpumalanga, Dr Jimmy Zitha.

Sati setindzaba temtsetfo Bongani Matsane usichazela kabanti ngesincumo senkantolo yemtsetfo-sisekelo lesitsi bobabili batali bentfrwana banelilungelo lekutsatsa i-maternity leave.

Sihlalo welikomiti lelibuke kusebenta kwetempilo ephalamende Dr Siboniseni Dlomo utsi kufanele baboshwe labo lebatsintseka kulokwebiwa kwemali lelinganiselwa kuR2 billion esibhedlela saseTembisa.

Inyanga yeMphala yinyanga yekuchushisa ngemdlavuta wemabele nalapho bosolwati betemphilo, sebavakalise kukhatsateka ngekuswelakala kwemagumbi lalapha lesifo ikakhulukati etindzaweni tasemakhaya. Kutfola kabanti ngalesifo, sicocisana naSonto Khoza loliphini lemcondzisi egunjini labomake, bantfwana, bantfu labasikati kanye nelusha etikweni letempilo esigodzini sase Hlanzeni kulesifundza

Esigabeni setfu sekucubungula emabhuku, namuhla sikhuluma ngelibhuku lelibhalwe nguThembi Ntahane-KaMahlangu lelitsi Nomvula's Calling.

Kwendlula emhlabeni kwelincusa lakuleli eFrance, Nathi Mthethwa kwetfuse bantfu labanyenti kuleli nasemhlabeni. Simeme lomunye lowake wasebenta njengemeluleki wakhe lowaMthathwa ngaleiskhatsi aseyindvuna yetemidlalo, Walter Mokoena.

Litiko letemisebenti yesive, imigwaco netekutfutsa litawube ligubha inyanga yetekutfutsa ngekubamba imicimbi legcugcutela tekuphepha emigwacweni. Lenyanga ifika nje bantfu labanyenti bayakhala ngesimo semigwaco lebatsi igcwele imigodzi futsi ayihambeki. Kutfola kabanti kutsi timenjani tinhlelo tekuvuselela imigwaco kanye nemabhuloho kulesifundza, sikhulumisana nemcondzisi wetemigwaco eMpumalanga, Umnumzani Ronnie Masia.

Litiko letekutfutsa kuvelonkhe lincuse tikhungo letinyenti kutsi tiwamukele emalayisensi ekushayela lesekendlulelwe sikhatsi njengobe lelitiko lisematasatasa letama kulwa nekubambeleleka lokukhona endzabeni yekukhicitwa kwemalayisensi ekushayela. Lelitiko litsi umshayeli lokatawukhona kubamba umncamulajucu utawuniketwa shwele wetinyanga letine kutsi ashayele ngaphandle kwekuphatamiseka ingce nje nakatawukhombisa bufakazi bekutsi sewusifakile sicelo salokuvuselela. Kwenaba ngalendzaba sikhulumisana nesikhulu semaphoyisa emgwaco eMpumalanga, Umnumzane John Nkuna.

Kulenyanga lesikuyo yeMphahla umhlaba wonkhe ubungata sikhatsi lapho bomake sebangasayi emalangeni i-World Menopause Month. Simeme Xoli Kamadlala lowagcina kuya emalangeni aneminyaka lengema-36, lophindze aluleke bamake lebangasayi emalangeni.

Kulindzeleke kutsi lucale kusasa loluhlelo lwetifundvo tasentfwasanhlobo etikweni letemfundvo kulesifundza se-Mpumalanga. Kutosichazela kabanti ngaloluhlelo simeme libamba lemcondzisi wetemfundvo Calvin Buthelezi.

Inhlangano yabosomatekisi i-SANTACO ibungata inyanga yetekutfutsa ye-Mphala ngaphansi kwesicubuloi lesitsi: "Kulwela Kuphepha, Kusebenta Nekwemukela Buchwepheshe: Kwakha Imboni Yematekisi lesimeme. Simeme lokhulumela iSANTACO Rebecca Phala kutosichazela.

Ingena elangeni lesibili inkomfa yesifundza seMpumalanga lemayelana nekusisa kanye netimayini lebanjelwe eMiddleburg kumasipala we Steve Tshwete. Ngetulu kwekutsi timayini tingumgogodla wetemnotfo eMpumalanga, kepha hulumende utsi ubite lenkomfa kuze akhombise lamanye ematfuba lekungasiswa kuwo ngetimali kuze kufukuleke umnotfo wesifundza. Kutfola kabanti ngalesekwentekile nalokungalindzelwa njengoba seyivala namuhla, sikhulumisana nalobukele tekuchumana etikweni letekutfutfukisa temnotfo netekuvakasha kulesifundza, Cabanga Maluleka...

Kwendlula emhlabeni kwelincusa lakuleli eFrance, Nathi Mthethwa kushiye labanyenti baphefumula ngetindlela letahlukene. Ngalesikhatsi asaseyindvuna yetemidlalo buciko nemasiko, labo lebangemaciko emkhakheni wetekulingisa, temculo, nabo buciko bangenela umbhikisho wekuhlala ngenkhani emahhovisi e National Arts Council bafuna kukhaliswa ngetimali. Simeme lomunye walabo bebakhona kulowombhikisho, Thamsanqa Mbongo

Indvuna yelitiko lekubusa ngekubambisana kanye netindzaba tebaholi bendzabuko Velenkosini Hlabisa, utsi lengcungcutsela yemalanga lamabili lobonisana ngetindzaba tabomasipala kufanele iphume nelikhambi lelkulwa nenkhohlakalo letsikameta kuphakelwa kwetinsita ebantfwini. Kukhuluma kabanti ngalengcungcutsela sicocisana nelisekela lemengameli weSALGA kuvelonke Florah Boltman.