Ligwalagwala FM Current Affairs

Umshayisibhakela wakuleli Siyakholwa "One Way" Kuse sekusedvute kutsi angene emabhukwini emlandvo kulenye yetihlangano tesibhakela letatiwa kakhulu emhlabeni wonke i-World Boxing Council (WBC). Kwakhe nje kutsi namuhla acinisekise kutsi wehlula loyo longushapeni loyobe avikela libhande leWBC ku mini-flyweight, Melvin Jerusalem emphini lebitwa nge Thrilla in Manila 2, e-Philippines. Sikhulumisana nalomunye lowake waba ngushampeni weWBC, Thulani "Sugar Boy" Malinga

Duration:00:04:20

#Imphunga - Sibhedlela iRobs eMbombela simemetele timali letitawubhadaliswa labatowelashwa kulesibhedlela.

Sibhedlela lesikhulu sakulesifundza lesilapha edolobheni iMbombela e-Mpumalanga, iRob Ferreira simemetele timali lekufanele tibhadalwe bantfu kute batfole lusito letekulashwa kulesibhedlela. Simeme Umnumzane Steven Shabangu longumcondzisi lomkhulu welihhovisi leliphetse timali etikweni letemphilo kulesifundza.

Duration:00:05:02

#Imphunga - Inhlangano iNotInMyName ikhatsatekile ngekwaandza kwe-GBV nekubulawa kwalabasikati kulelive.

Kulindzeleke kutsi avele namuhla enkantolo umsolwa loneminyaka lengema-38 losolwa ngekubandzakanyeka esigamekweni sekudutjulwa kubulawa ngesihluku kwabodzadze lababili labasebasha e-Mamelodi East eTshwane ngelisontfo ekuseni. Tshiamo na Baleseng Moramaga babulelwe ngesihluku lesimatima kantsi inhlangano I-NotInMyName International ifuna bulungiswa , nekutsi kwentiwe luphenyo loluphutfumako nalolusebaleni ngalesigameko. Kukhuluma kabanti asemukele mabhalane-jikelele we-NotInMyName International, Themba Masango

Duration:00:04:02

#Imphunga - iSAHRC ibungata iminyaka lengema-30 yasungulwa

Kulenyanga lesetulu likomishana lemalungelo eluntfu ISouth African Human Rights Commission (SAHRC) lihlanganisa iminyaka lengemashumi lamatsatfu lasungulwa. Lelikomishana liyobe libungata leminyaka lemngema-30 ngaphansi kwesicubulo lesitsi "30 Years of Courage: Defending Human Rights, Dignity, Justice and Democracy for All." Sicocisana na Nkomishana Aseza Gungubele wayo iSAHRC

Duration:00:06:17

#Embiteni - Sonkontileka lowakha umgwaco wase-Lihawu ePienaar uncunyelwe ligwayi latiki ngekubambeleleka kwalomsebenti.

Litiko letemisebenti yesive, temigwaco nekutfutsa eMpumalanga litsi utawutsatselwa tinyatselo losonkontileka lowakha umgwaco wase-Lehawu ePienaar nakatawuhluleka kuchazela lelitiko kutsi kungani kubambeleleka kwakhiwa kwlaomgwaco. Lokhulumela lelitiko Bongani Dlamini uyachaza.

Duration:00:06:27

#Embiteni - Uphatsiswa wetemphilo eMpumalanga abevakashele sibhedlela saseWitbank.

Umphatsiswa wetempilo kulesifundzeni seMpumalanga Sasekani Manzini wetfule luhlelo lelihlose kutfutfukisa kwetfulwa kwwetemphilo esibhedlela sase-Witbank.

Duration:00:06:13

#Imphunga - Kukhatsateka ngekuhociswa kwemacala leyamene nekunukubeta ngetemacansi etinkantolo.

Likomishana letekulingana ngekwebulili, Commision for Gender Equality, litsi lokuhociswa kwemacala ekunukubeta ngetemancansi lokwentiwa tisulu kuveta sitfombe lesibi ngetebulungiswa. Loku kuvele embikweni wesine lokhishwe ngulelikhomishana. Kuva kutsi yini imbangela yaloku sikhulumisana nemphatsi welihhovisi lalelikhomishana kulesifundza seMpumalanga, Molta Mavuso.

Duration:00:05:04

#Imphunga - Ubuyele emsebentini thishelanhloko waseMagwagwaza Secondary School ngetulu kwekutsi ubukene netinsolo tekutsandzana nemfundzi.

Sewubuyele emsebentini lothishelanhloko wasesikolweni i-Magwagwaza Secondary School e Acornhoek kulesifundza se Mpumalanga. Lothishelanhloko wamiswa emsebentini ngemva kwetinsolo tekutsi utsandzana nemtfwanesikolo. Ngekusho kwalokhulumela litiko letemfundvo eMpumalanga, Gerald Sambo, lothishelanhloko solomane usabukene naletinsolo lebekamiselwe tona.

Duration:00:06:45

#Imphunga - South African National Council For The Blind

Umkhandlu webantfu labangaboni emehlweni kulelive, i South African National Council For the Blind (SANCB), wenta lubito kutsi timphumphutse kanye nalabo lebabona kancane emehlweni, bavulelwe kakhudlwana ematfuba emikhakheni lefaka ekhatsi temfundvo, temabhizinisi futsi bacasheke nasemisebentini. Sikhulumisana nasihlalo weSANCB eMpumalanga, Joseph Lubisi

Duration:00:06:50

#Embiteni - Bushbuckridge Water Legotla

Bekuhlangene ndzawonye bonkhe labatsintseka etindzabeni temanti ehholweni yemphakatsi i-Miriam Mokgakane eAcornhoek kumasipala wase-Bushbuckridge. Lomhlangano bewubitelwe kutobonisana ngetindlela tekucinisekisa kuphakelwa kwemanti emiphakatsini. Kukhuluma kabanti ngalendzaba esicocisana nasodolobha wamasipala wase-Bushbuckridge Lydia Moroane.

Duration:00:07:45

#Embiteni - Kumangalise umhlaba kubuyiselwa esikhundleni kwamengameli wase-Cameroon.

Umhlatiyi wetindzaba tangaphandle Thulisa Ndlela, utsi kuyatfusa kubuyiselwa esikhundleni kwemengameli waseCameroon, Paul Biya losaneminyaka lengu-92 budzala.

Duration:00:04:43

#Embiteni - Masipala weNkomazi utsi u,atasatasa ngemiklamo yekulungisa inkinga yekuswelakala kwemanti.

Lokhulumela masipala waseNkomazi, Mbuso Malale utsi masipala usemkhankasweni wekwakha umklamo lomkhulu lotawusita ekulwni nenkinga yekuswelakala kwemanti.

Duration:00:04:50

#Imphunga - iJudges Matter itsi kufanele titsatselwe tinyatselo tisebenti tetebulungiswa lebhecwa ngenkhohlakalo kulelikhomishana laMadlanga.

Inhlangano lecwaninga ngetebulungiswa iJudges Matter itsi nangabe sekunebufakazi lobenele kufanele titsatselwe tinyatselo tisebente tetebulungiswa letib hecwa ngenkhahlakalo kulelikhomishana laMadlanga. Mbekezeli Benjamin uvela kuJudges Matter.

Duration:00:05:49

#Imphunga - Tingoti temgwaco eMpumalanga tendlule nemiphefumulo lengetulu kweli-10

Bangetulu kweli-10 bantfu labashonele emigwaceni leyahlukene yakulesifundza se Mpumalanga kulemphesantfo lesibuya kuyo. Lokhulumela litiko letekuphepha kwemphakatsi, tekuvikeleka nekuchumana eMpumalanga Moeti Mmusi uyasichazela.

Duration:00:04:42

#Telive - Kutawube kunemdlalo wasesiteji namuhla lapha eBarberton.

Kulindzeleke kubanjwe umdlalo wasesiteji namuhla ehholweni yemphakatsi edolobheni eBarberton. Ngekusho kwebahleli balomcimbi, lomdlalo lonesihloko lesitsi "The spirit of 1956", ukhuluma ngetingcinamba letibukene nebantfu labasikati emangweni nekutsi kulobo matima lebabukana nabo bandlulisa njani kuze bakhone kuphola emoyeni. Sikhulumisana nalomunye webahleli balomdlalom Pamela Mahlalela.

Duration:00:03:57

#Telive - Kuphumelela kwebafundzi bakamatikuletjeni kuncike ekufakeni sandla kwabo bonkhe labatsintsekako.

Sati setemfundvo Dr Mashudu Mbhedzi utsi kubalulekile kutsi wonkhe umuntfu adlale inzima yakhe kuze kucinisekiswe kuphumelela kwebafundzi bakamatikuletjeni njengoba sebacalile kubhala luhlolo lwekuphela kwemnyaka.

Duration:00:21:42

#Telive - Book Review: Stop Hiding And Start Living by Sandiso Lekhuleni

Namuhla sikhuluma ngelibhuku lelinesihloko lesitsi "Stop Hiding And Start Living", lelibhalwe ngu Sandiso Lekhuleni.

Duration:00:04:25

#Embiteni - iNATU ikwamukele kusayinwa kwesivumelwano sekuceceshwa ngalokusemtsetfweni kwabothishela baka-GradeR

Inyonyana yabothishela National Teachers Union (NATU) ikutfokotele kusayinwa kwasivumelwano sekucecesha bothishela labafundzisa Grade R etikolweni tembuso babe bete ticu tekufundzisa. Kukhuluma kabanti ngaletakamuva sicocisana nelisekela lamengameli we-NATU kuvelonke Umnumzane Mandla Mabuza.

Duration:00:06:12

#Embiteni - iEFF kulesifundza seMpumalanga ikhala ngekubambeleleka kwelicala lekubulawa kwaHillary Gardee