Ligwalagwala FM Current Affairs

Sati setemtsetfo Melusi Xulu utsi kuyotsatsa sikhashana lesidze ngembikwekutsi labamangalelewa lababili ecaleni lekubulawa kwemhlabeleli Kiernan 'AKA' Forbes, kanye nemngani wakhe, Tebello 'Tibz' Motsoane, bangavela enkantolo. Loku kuta ngemuva kwekutsi bamangalelwa lababili ngalesehlakalo, Siyabonga naMalusi Ndimande, babuyiswe kulelive kutotekiswa lelicala basuka eveni lase-Swatini. Umnumzane Xulu uyasicghazela ngalokubuyiswa kwalaba lababili..

Duration:00:03:17

#Embiteni - Sibuka kutsi kuhambe kwetfula buafakazi kwemcondzisi wetekushushisa Shamila Batohi phambi kwekomiti yasephalamende

Emalunga ephalamende akhwele atehlela kumcondzisi wetekushushisa kuleli Shamila Batohi ngalesikhatsi avele phambi kwekomiti yesikhashana ephalamende. Sikhulumisana nesati setemtsetfo Melusi Xulu.

Duration:00:06:11

#Embiteni - Tibalo takamuva tikhombisa kwehla kancane kwetibalo tebantfu labangasebenti.

Tibalo letikishwe lihhovisi letibalo kuleli i Stats SA tikhombisa kutsi cishe abe ngu 248 000 ematfuba emsebenti lavuleke kulive kusukela nga July kuya September kulomnyaka. Loku kusho kutsi titse kwehla kancane tibalo tebantfu labangasebenti tehlela ku 31.9 percent. Simeme somnotfo Umnumzane Mandla Malope kutokhuluma ngaletibalo takamuva.

Duration:00:05:39

#Embiteni - iGauteng konkhe sekume ngemumo kusingatsa umhlangano lomkhulukati we-20

Lokhulumela hulumende wesifundza seGauteng Elijah Mhlanga utsi lesifundza sesikulungele kusingatsa lomhlangano lomkhulu weG20.

Duration:00:04:25

#Imphunga - International African Writers Conference

Namuhla lilanga lelibalulekile kubabhali balapha e Afrika njengaloku kubanjwa umcimbi wekubungata iminyaka lengema-34 ye International African Writers' Day, leyacala kugujwa mhla ka-7 kuLweti 1989, e Accra, Ghana. Lomcimbi utawendlalwelwa ngumbutsano lomkhuou wabo babhali baseAfrica lobitwa nge-International African Writers Conference. Kepha kuyiva kahle lendzaba asemukele umcondzisi we South African Literary Awards (SALA), Morakabe Raks Seakhoa.

Duration:00:04:30

#Imphunga - iANCYL itsi iwesekela ngalokugcwele umkhankaso weWomen for Change.

Luphiko lwensha lweANC, i-ANC Youth League lutsi luyawesekela lomkhankaso wenhlangano yemmango i-Women for Change lohlose kulwa neludlame lwetebulili kanye nekubulawa kwebantfu labasikati . I-Women for Change imemetele kutsi itawumisa nsi kusebenta kulelive mhla tingema-21 kulena lesetulu njengendlela yekuvakalisa kukhatsateka ngalesihlava. Simeme lisekela lemengameli weANCYL , Phumzile Mgcina.

Duration:00:03:49

#Imphunga - National Shelter Movement of SA Indaba

Icala namuhla ingcugcutsela yemalanga lamatsatfu ye National Shelter Movement of South Africa (NSMSA). Lengcungcutsela ihlose kubonisana ngetindlela tekulwa neludlame lolweyamene netebulili. Kusitjela kabanti ngalengcungcutela simeme lomelele iNSMSA kulesifundza seMpumalanga, Sindisiwe Msimango.

Duration:00:05:00

#Embiteni - Njengoba kwetfula i-medium term budget kuleliviki, angakanani ematfuba ekuhlelwa kabusha kwe-iflatiion targeting.

Kunemahemuhemu latsi indvuna yetetimali Enock Godongwana angahle amemetele ngekuguculwa kwe-inflation targeting ngalesikhatsi etfula luphakelotimali lwasekhatsi nemnyaka ngaLwesitsatfu kuleliviki. Simeme somnotfo lovela enkapani iNkunzi Wealth Group Lunga Mahlaba kutosichazela ngayo i-iflation targeting.

Duration:00:05:07

#Embiteni - Association of Water and Sanitation Institutions of South Africa Conference

Lisekela lendvuna yelitiko letemanti nekuhlanteka, David Mahlobo, usichazela ngenkomfa lehlanganise tikhungo temanti kanye netekuhlanteka kulelive.

Duration:00:10:49

#Imphunga - iSALA imemetele ngekucokwa kwalabayoncintisana, bahlonishwe ngemsebenti wabo kutekubhala emabhuku netinkondlo.

I South Africa Leterary Awards (SALA) seyimemetele ngalabacokwe kuyoncintisana emcinini wekuhlonipha babhali nebashicileli. Labaphumelele batawuklonyeliswa emcimbini welihlandla lema-20 wemaSALA lotawubanjwa mhla tili-11 kuLweti 2025, eRoodepoort Theatre and Museum. Sicocisana nalomunye webabhali lebacokiwe kulomcimbi weSALA, Muntomuhle Silindokuhle Mcambi.

Duration:00:05:39

#Imphunga - I Melika itsi angeke itfumele labatayimelela kulomhlangano weG20 lotawubanjelwa kulelive kulenyanga lesikuyo.

Mengameli waseMelika Donald Trump utsi angeke basatfumela lotawumelela lelalive kulomhlangano we-G20 lekulindzeleke ibanjelwe kuleli leNingizimu Africa kulenyanga lesetulu. Lesimemetelo saTrump sifika sekusele emalanga lali-12 ngembi kwekutsi kubajwe lomhlangano wemalanga lamabili. Umhlatiyi wetembangave Thulisa Ndlela utsi siyacaka lesicumo seMelika ngoba tiphatsimandla takulelalive betiyincenye yalemihlangano leminyenti layacala nakusuka lomnyaka lesendlalelo salona lomkhulu wemalanga lamabili.

Duration:00:08:43

#Telive - Senyukile sibalo sebantfwana labakhulelwa basebancane

Lihhovisi letibalo likhiphe umbiko lotfusako mayelana nekwenyuka kwelinani lebantfwana lebakhulelwa basebancane. Letibalo tikhombisa kutsi emkhatsini wa January lomnyaka lophelile na February lonyaka, kubelekiswe bantfwana labangu-123 000 labaneminyaka lesuka kulengu-19 budzala kuya phasi, lobafaka ekhatsi labangu- 2 108 lebaneminyaka leli-10 kuya kuleli-14 budzala. Kubuka kutsi yini lebanga kutsi bantfwana bakhulelwe kangaka basebancane sicele Dudu Shabangu lobuke tindzaba tetemphilo kubantfwana besikolo kanye nelusha lovela etikweni letemphilo eMpumalanga.

Duration:00:29:09

#Telive - Likomishana letebatsengi limemetele ngekujikiswa emakethe kwetimoti te-Lexus

Likomishana letebatsengi kuvelonkhe i-National Consumer Commission limemetele ngekujikiswa emakethe kwetimoti teluhlobo lwe Lexus. Kutfola kabanti ngalendzaba, sichumana nalokhulumela lelikhomishana, Phetho Ntaba.

Duration:00:04:27

#Telive - Book Review: Marvel Not by Lindokuhle Shabalala

Esigabeni setfu semabhuku, namuhla sikhuluma ngelibhuku lelibhalwe nguLindokuhle Shabalala lelitsi "Marvel Not".

Duration:00:03:16

#Telive - Litiko letemfundvo lesisekelo lisemkhankasweni wekuhlola labo labafundzela buthishela kutsi abanawo yini emacala ekunukubeta banfwana.

Litiko letemfundvo lesisekelo lisemkhankaso wekuhlola labo labafundzela buthishela kutsi abanawo yini emacala ekunukubeta banfwana. Kubikwa kutsi litiko letemfundvo lichuba lomkhankaso ngekubambisana nemkhandlu lolawula bothishela i South African Council of Educators (SACE). Kukhuluma ngalendzaba sicocisana nelisekela lamengameli wenyonyane yabothishela i-NATU, Mandla Mabuza.

Duration:00:08:14

#Telive - Ingabe kukhiphana nangabe nisasomana kusho kutsi sekufanele kubhadaliswane ngemancansi kumebe kusizatfu sekutsi bese kubulawa lona losonywako nangabe angafuni?