Ligwalagwala FM Current Affairs

Sikhulu setimali kumkhandludolobha waseTshwane lesimisiwe emsebentini, Gareth Mnisi, nalamuhla uchubekile nekubukana nemibuto lematima phambi kwelikhomishana laMadlanga. Kuhlatiya lokwenteke kulelikhomishana namuhla simeme iForensic and Criminal Psychologist, Dr Alex Maseko.

Nkomishana wemaphoyisa kulelive Gen. Fanie Masemola bekavele enkantolo ngetinsolo ngekuphula umtsetfo lolawula kuphatfwa kwetimali i-PFMA. Sati ngetebugebengu Andy Mashayile utsi Gen Masemola akasakulungeli kuchubeka nekuba kulesikhundla.

Ukhonjwe indlela sihlalo we-National Freedom Party (NFP) KwaZulu Natal Mbali Shinga ngemuva kwekulahlwa ngelicala lekungatiphatsi kahle kanye nekungalandzeli imiyalo yalelicembu. Kuva kutsi kutawuba namuphi umtselela lokucoshwa kwaShinga kupolitiki yesifundza saKwaZulu Natal, sicele umhlatiyi wetepolitiki Thami Malinga.

Inyonyana yemaphoyisa iSouth African Policing Union (SAPU) itsi beyingatsandza kutsi letinsolo letivetwe nguNkomishana wemaphoyisa eMpumalanga lomisiwe emsebentini Lt-Gen Daphney Manamela, tiphenywe likhomishana laMadlanga. Sicocisana nalokhulumela iSAPU Lesiba Thobakgale.

Likomishana letebatsengi kuvelonke litamukele letingucuko letiyamelana nekushayelwa tincingo ngenhloso yekutsengisela emakhasimende imikhicito letsite tinkapani letahlukahlukene (telemarketing). Bantfu bakhutsata bantfu kutsi babhalise eluhlwini lwalelikhomishana kusukela ngenyanga yaKholwane kuya kuye-Nyoni kulomnyaka losetulu kuze bangatofonelwa nguletinkapani letitsengisa ngetincingo.. Kutfola kabanti ngalendzaba, sichumana nalokhulumela lelikomishana, Phetho Ntaba

Umphatsi wemaphoyisa asesifundzeni sase-Mpumalanga lomisiwe emsebentini Semakaleng Manamela ubbhibite tinsolo tenkohlakalo nekungasebenti kahle kwemaphoyiseni asesifundzeni sase-Mpumalanga. Manamela ukhulume nangetinsolo tenkhohlakalo leyenteka nakuphenywa ngekubulawa kwendvodzakati ya-Godrich Gardee, Hillary. Simeme lokhulumela lomndeni waka-Gardee naloaphindze abe ngumholi we-EFF e-Mpumalanga,Collen Sedibe

Umphatsi wetetimali losamisiwe emsebentini kumasipala we City of Tshwane,Gareth Mnisi, uhlangabetene nebumatima bekwesekela bufakazi bakhe phambi kwelikhomishana laMadlanga. Kubuka kabanti lokuvele kulelikhomishana namuhla simeme sati ngetebugebengu, Lifo Nobanda.

Inhlangano lemelene nekwentiwa kube semtsetfweni kutsengisa umtimba, i-We Survivors Unite Movement, itsi ikhatsatekile ngalesicelo senhlangano lemele labatsengisa umtimba iSWEAT sekutsi kubalulwe njengemsebenti losemtsetfweni loku klebakwentako. Simeme umhlelembisi we-We Survivors Unite Movement, Hilda Maseko

Nkomishana wemaphoyisa lomisiwe emsebentini kulesifundza se Mpumalanga Daphney Semakaleng Manamela ubhibite tinsolo tenkhohlakalo nekungachutjwa kahle kwemsebenti emaphoyiseni akulesifundza. Manamela ubite umhlangano nebetindzaba lapho avete kutsi kumiswa kwakhe emsbentini kwentelwe kuvikela emaphoyisa lenta inkohlakalo. Manamela wamiswa kabili nga-2024 nguNkomishana wemaphoyisa velonke Fanie Masemola. Kuyibuka ngeliso lemhlatiyi wetebugebengu sikhulumisana na-Dr Mxolisi Mathebula.

Inhlangano letimele i-DignitySA iyachubeka nemkhankaso wayo wekufuna kube semtsetfweni kucedzisa umuntfu logula kakhulu ikakhulukati nangabe loku kusincumo salowo muntfu logulako. Lenhlangano ifake sicelo sekwetfula loludzaba enkantolo lephakeme e-Pitoli. Kuva kutsi titsini tinhlangano tetemphilo ngaloludzaba asemukele Dr Kateko Mnisi lovela kunyonyana yetisebenti tetemphilo, i-South African Medical Association Trade Union (SAMATU)

Ngekusho kwelucwaningo lwe-International Society of Sports Nutrition, lenyukile lizinga lebantfu labasebentisa kakhulu tinatfo letigcwele i- caffeine, lekusikhutsatimandla. Ngekusho kwalolucwaningo bantfu banatsa letikhutsati kuze tibanike emandla nabativocavoca, bahlanganyela emincintiswaneni lefuna usebentisa emandla, nalokunye. Kepha ingabe i-caffein noma leto tikhutsati tifike tenteni emtimbeni wemuntfu? Kukhuluma kabanti ngalendzaba asemukele dokotela lotimele, Dr Gcina Mavuso

Lenyanga yaMabasa ibalulwe njengeyekuchushisa kanye nekulwa nesimo sekukhungatseka engcondvweni nekudzangala emoyeni (Dipression/Stress). Lucwaningo lolwentiwe lihhovisi letibalo luveta kutsi balinganiselwa ngetulu kwa-31% bantfu labangasebenti kulelive. Namuhla sifuna kubuka kukhatsateka engcondvweni lokuhlasela bantfu lesebanesikhatsi bafuna umsebenti kepha bangawutfoli, labanye sebaze baphelelwe nalitsemba lekuwutfola. Simeme umetfuli wetifundvo eUJ lophindze abe yi-Life Coach, Dr Sanele Gamede.

Uyafihlwa namuhla lomunye wetinsika telicembu lemculo wembholoho, i-Ladysmith Black Mambazo, Umnumzane Albert Mazibuko. Mazibuko wendlule emhlabeni mhla tisihlanu kulenyanga yaMabasa sekaneminyaka lengema-77. Manzezulu wajoyina eMambazo Lamnyama nga1969. Sicocisana nemphatsi lophindze akhulumele lelicembu le-Black Mambazo, Xolani Majozi.

Namuhla sicubungula libhuku lelinesihloko lesitsi Healing Out Loud lelibhalwe nguKhathu Maestro.

Bafuyi, balimi nemalunga emango batsi sebahlalela evalweni ngenca yetilwane tasendle letivame kweca eticiwini tetinyamatane. Kuleliviki lelengcile, kufe tinkhomo letimbili lekusolakala kutsi tibulewe mabhubezi KaDantjie dvute nase Mbombela kulesifundza se Mpumalanga. Lokhulumela iMTPA Simphiwe Shungube, uyasichazela.

Sihlalo welikomishane lemalungelo eluntfu kulesifundza seMpumalanga, Eric Mokonyane uyatiphika letinsolo letivetwa yinhlangano i-ActionA letitsi lelikhomishana solomane alitiphendvuli tikhalo talo.

Litiko letisebenti kulelive selente lubito kutsi bacashi betisebenti tasetindlini, babhalise tisebenti kungakapheli inyanga yeNhlaba kulomnyaka losetulu, ngaphasi kwemtsetfo wekutincesitela nangabe tilimala nobe tingenwa kugula emsebentini i-Compensation for Occupational Injuries and Diseases Act (COIDA). Simeme mengameli wenyonyana yetisebenti tasetindlini iSouth African Domestic Workers Union, Maria Thuga

Umhlatiyi wetembusave Njingalwati Bheki Mngomezulu utsi kunyenti mantji langakakuhambisi kahle ngalesikhatsi akhipha sigwebo semholi weEFF Julius Malema.

i Mpumalanga Tourism and Parks Agency (MTPA) yemukele tinsita tekulwa nekutingela ngalokungekho emsetfweni eticiwini tetinyamatane takulesifundza. Lokhulumela iMTPA Simphiwe Shungube uyasichazela

Seti setemtsetfo Abigail Ngoben utsi sinemtselela lomkhul;u emsebentini wakhe wetepolitiki umholi weEFF Julius Malema lesigwebo seminyaka lesihlanu laphanyekwe sona yinkantolo yamantji Kugompo City.