Ligwalagwala FM Current Affairs

Tati titsi kuphila kwengcondvo kwenta umuntfu akhone kumelana nebumatima bemphilo, akhone kwenta tintfo letidzingekako emphilweni aphindze aphilisane kahle nalabanye bantfu. Inhlangano yetemphilo emhlabeni ibalule lenyanga njengaleyo yekuchushisa ngebumcoka bekunakekelwa kwengcondvo. Sikhulumisana nemphatsi weligumbi lelibuke knakekelwa kwengcondvo etikweni letemphilo eMpumalanga, Dumisani Hlophe.

Duration:00:05:13

#Imphunga - Achubeke njalo nekungena emavi ekudvudvuta kulandzela kundlula emhlabeni kwelincusa le Ningizimu Africa e-France Nathi Mthethwa loshone enhlokodolobha i-Paris.

Kwendlula emhlabeni ngekutuma kwelincusa lakuleli eFrance, Nathi Mthethwa kushiye labanyenti kulelive batfukile. Sidvumbu sa Mthethwa, lobekaneminyaka lengema-58, sitfolwe ehhotela i-Hyatt, kantsi ngekusho kwemibiko kusolwa kutsi uwe esuka esitezi sesi-22. Sicocisana naloyo nalowake waba ngumphatsiswa welitiko letekuphepha kwemphakatsi kulesifundza se Mpumalanga, Vusi Shongwe losebente kakhulu na-Mthethwa.

Duration:00:03:38

#Imphunga - Lelive letfule ngalokusemtsetfweni licebo lelihlose kulwa nekwandza kwemitsi lengekho ezingeni lelifanele kanye nemitsi mbumbulu.

Live leNingizimu Africa litfule ngalokusemtsetfweni luhlelo lwekucala eAfrica lekulwa nemitsi lengekho ezingeni lelifanele kanye nemitsi-mbumbulu. Loluhlelo luhlose kucedza nya lemitsi mbumbulu naleyo lengekho ezingeni lelifanele leseyandze kakhulu etimakethe talelive. Inhlangano lebuke tetemphilo emhlabani i-World Health Organisation (WHO) itsi banyenti bantfu lebandlula emhlabeni ngenca yekunatsa lemitsi mbumbulu. Sicocisane na Foster Mohale lokhulumela litiko letempilo velonkhe.

Duration:00:07:33

#podcast TINDZABA 08.00

iANC itsi idvumele kakhulu ngetindzaba tekwendlula emhlabeni kwalebekalincusa lalelive eFrance Nathi Mthethwa. Sidvumbu saMthethwa sitfolwe phasi ehhotela iHyatt Hotel. ngekusho kwemibiko itsi ushonele ngemuva kwekuwa etulu esakhiweni selihhotela. iANC itfumele emavi ekuvelana nemndeni kanye nebangani. Intsatseli yemtfombo wetindzaba teSABC Ditaba Tsotetsi uyasibikela....,

Duration:00:05:04

#podcast TINDZABA 07.00

Indvuna yelitiko letebudlelwane nemave emhlaba Ronald Lamola utsi balindzele umbiko wetiphatsimandla telive leFrance kutsi tiphotfule luphenyo ngekufa kwelincusa lalelive Nathi Mthethwa ngephambi kwekucala tinhlelo tekulandvwa kwesidvumbu sakhe. Utsi loko kutawentiwa ngekuchumana nemndeni waMthethwa. Lamola utsi tiphatsimandla telive leFrance tibambisene nelive kueltinhlelo....,

Duration:00:06:05

#Embiteni - iSAPOHR iyasicitsa siphakamiso sekuvala kusebenta kwabomakhalekhikhini emajele.

Sodolobha wase-Kapa Geordin Hill-Lewis sewente lubito lekutsi kucinywe bobendle bamakhalekhikhini ejele lase-Pollsmor eKapa. Hill-Lewis utsi tiboshwa letinyenti tichuba bugebengu ngekusebentisa bomakhalekhikhini tingekhatsi ejele. Kepha tinhlangano letimele emalungelo etiboshwa letifaka ekhatsi iSouth African Prisoners Organisation for Human Rights' (SAPOHR) tiyasicitsa lesiphakamiso. Lokhulumela i-SAPOHR Miles Bhudu.

Duration:00:03:44

#Embiteni - iHamas itsi isacubungula lelicebo lamengameli wase Melika Donald Trump lelihlose kucedza lemphi yaka Israel eGaza.

Litsimba lalabancusela inhlangano ye Hamas litsi lisalicubungula kabanti lelicebo leliphakanyiswe ngumengameli wase Melika Donald Trump ngenhloso yekucedza lemphi yaka Israel eGaza. Ndvunankhulu waka Israel Benjamin Netanyahu uvakalise kutsi bayalemukela lelicebo lemaphuzu langemashumi lamabili leletfulwe ngu Trump. Kepha umhlatiyi wetembangave Njingalwati Bhekitrhemba Mngomezulu utsi akatsembi kutsi Nentanyahu utatibophelela kuletiphakamiso.

Duration:00:06:32

#podcast TINDZABA 15.00

Akasekho emhlabeni lolincusa lelive leN/A eFrance Nathi Mthethwa loshonele eParis. Sidvumbu sakhe sitfolwe ehhotela iHyatt Hotel. Ngekusho kwemibiko itsi uwe etulu esakhiweni selihhotela. Mthethwa wake waphatsa tikhundla letinkulu tembuso kuhulumende kufaka ekhatsi kubayindvuna yelitiko lemaphoyisa emkhatsini kwaMay 2009 na-2014. Mthethwa ubesetindzabeni ngesikhatsi jenene wemaphoyisa aKwaZulu Natal Nhlanhla Mkhwanazi etfula bufakazi kutsi waphocelela lewake wabayinhloko yetebunhloli Faith Radebe kutsi ahocise licala lebelivulelwe lewake wabayinhloko yetebunhloli emaphoyiseni Richard Mdluli. Litiko letebudlelwane nemave emhlaba lisetawukhipha umniningwane lolandzaba kabanti ngaekufa kwaMthethwa.

Duration:00:05:35

#Imphunga - Inhloko yetebunhloli emaphoyiseni Dumisani Khumalo, lobukene nemacala enkantolo, uvete bufakazi lobumatima kuKhomishana laMadlanga.

Kunyenti lokuvele kulobufakazi lobetfulwe yinhloko yeligumbi letebunhloli emaphoyiseni Dumisani Khumalo kulelikomishana laMadlanga ePitoli. Kubuka lobufakazi bakhe ngeliso letemtsetfo, dikhulumisanan nemmeli Bongani Mtsane, we Matsane Attorneys.

Duration:00:03:57

#Imphunga - Kusukunyiswe ikomiti yemalunga lamatsatfu kutsi iphenye ngekulungela umsebenti kwemcondzisi wetekushushisa eGauteng Advocate Andrew Chauke.

Mengameli Cyril Ramaphosa sewusukumise ikomiti yemalunga lamatsatfu kutfola kutsi ingabe inhloko yetekushushisa eGauteng, Advocate Andrew Chauke, ukulungele yini kuphatsa lkelihhovisi. Lomcondzisi webashushisi wamiswa emsebentini ngenyanga ya Kholwane ngetinsolo tekutsintseka enkhohlakalweni yekuhlomisa kanye nekusebentisa lelihhovisi kuvikela bosopolitiki labanemandla kanye nebantfu labakhohlakele. Kukhuluma ngalendzaba asemukele, Mbekezeli Benjamin. weJudges Matter.

Duration:00:04:22

#Imphunga - iFSCA ivakalsie kukhatsateka ngekwenyuka kwetinkapani letingalondvoloti imali yemphesheli yetisebenti.

Sikhungo lesilawula kusebenta kwemkhakha wetimali, i-Financial Sector Conduct Authority (FSCA) sitsi senyukile sibalo setinkapani letehluleka kulondvolota imali yemphesheli yetisebenti tato njengoba kulandzisa umtsetfo. Simeme Umnumzane Bongani Cele lovela egumbini lelibuke tindzaba temhlalaphasi ka FSCA (Specialist Analyst--Retirement Fund Conduct Supervision department)

Duration:00:07:08

#Embioteni - Masipala weMbombela utsi utayisukumela lenkinga yemanti leholele ekusukeni kwembhikisho eTekjatakho, KaBokweni .

Lokhulumela masipala waseMbombela Joseph Ngala utsi masipala utaenta taba tekutfumela emanti kwesikhashana njengoba basafuna sisombululo lesitawusebentela bahlali baseTekatakho, KwBokweni kulesifundza seMpumalanga. Loku kuta ngemuva kwekutsi bahlali bavale imigwaco lengena nalephuma kulendzawo.

Duration:00:05:36

#Embiteni - Umbiko weSIU utsi kukhwatjaniswe imali lelinganiselwa kuR2billion esibhedlela saseThembisa.

Indvuna yelitiko letemphilo Aaron Motsoaledi utsi emacembu etigebengu temshoshaphasi abengeke aphumelele kweba timali esibhedlela sase Thembisa, ngaphandle kwekutfola lusito kutisebenti tahulumende. Lendvuna yetemphilo beyiphendvula umbiko weluphiko lwe-Special Investigating Unit (SIU), lebeyiphenya ngetinsolo tenkhohlakalo kanye nekukhwabanisa esibhedlela sase Thembisa. Kuva kabanti kutsi kushoni lolokuvele kulombiko sikhulumisana nasolwati webugebengu kanye nekuvikeleka Umnumzane Andy Mashaile.

Duration:00:06:34

Embiteni - World Heart Day

Tibalo tikhombisa kutsi kushona bantfu labangetulu kwa 20,5 million emhlabeni wonkhe jikelele ngenca yesifo senhlitiyo. Namuhla umhlaba wonke uchushisa ngekubaluleka kwekunakekela inhlitiyo. Simeme make Sara Gumede longumphatsi weligumbi lelibuke tifo letingemahlalakhona (Chronic diseases) etikweni letemphilo kulesifundza se-Mpumalanga.

Duration:00:06:18

#Imphunga - McKENZIE utsi angeke amjikele mengameli Cyril Ramaphosa ngenca yekungaboni ngeliso linye emkhatsini wePA neANC.

9/29/2025

Umholi we Patriotic Alliance, Gayton McKenzie utsi nanobe kukhona labatama kumfaka umoya kepha angeke amjikele mengameli Cyril Ramaphosa, ngenca yekungaboni ngelisolinye emkhatsini we PA ne ANC. Ngetulu kwaloko wesabise ngekuhoca ku GNU nangabe lisikela lakhe Kenny Kunene lingabuyeliselwa kulekomiti yasodolobha wase Jozi. Simeme umhlatiyi wetindzaba tepolitiki, Njingalwati Bheki Mngomezulu

Duration:00:08:34

#Telive - Kutfolakele tidvumbu tebantfu lababili eMiddleburg

Emaphoyisa akulesifundza se Mpumalanga aftole tidvumbu tebantfu lababili lekusolwa kuysi babulewe e Kranspoort e Middleburg kulesifundza se Mpumalanga. Kepha kuva kabanti ngaloludzaba, sememe lokhulumela emaphoyisa akulesifundza se Mpumalanga ngu Fundiswa Maphanga.

Duration:00:02:58

#Telive - Inkondlo ya-Yolanda Shabangu: Asibuyele Emasisweni.

Njengencenye yekugubha inynga yemagugu sicocisana na-Poetess Landa libito lakhe lekutalwa lekungu-Yolanda Shabangu lodzabuka eMNagogeni kumasipala wase-Nkomazi.

Duration:00:01:58

#Telive - Imibiko itsi bantfu labanyenti bakuleli sebapohila ngemaphilisi kumbe tidzakamiva kuze babukane netinsayeya tamalanga onkhe.

Ngekusho kwetati letiluleka ngekwengcondvo, kusetjentiswa budlabha kwetidzakamiva kuyinkinga lenkhulu kulelive. Letidzakamiva tifaka ekhatsi letisemtsetfweni naleto letingekho emtsetfweni. Bantfu labanyenti basebentisa tidzakamiva letifaka ekhatsi tjwala,insangu kanye neTik, kantsi labanye bantfu sebaphila ngemaphilisi ngenca yekucindzeteleka kwengcondvo. Kubuka kutsi yini lebanga kutsi bantfu bangabukani netinkinga tabo ngco kunaloko basebentise tidzakamiva Simeme Thabangi Mashego longumelulekile ngekwengcondvo...

Duration:00:21:53

#Telive - Parole Summit

Litiko letekuvuselelwa kwesimilo kuleli belibambe umhlangano wemalanga lamabili letama kutfola tindlela tekutfutfukisa imigomo yekukhishwa kwetiboshwa tiyocedzela tigwebo ngaphandle (parole). Lomhlangano lotsetse emalanga lamabili bewubanjelwe ejele i Kgoshi Mampuru e Pitoli. Kuyicoca kabanti lendzaba simeme Ronnie Swart lowakhululwa nge-paruli.

Duration:00:19:19

#Telive - Book Review with Constance Mkoni: Zwakwetfu